काठमाडौं । जेनजी समूहहरुलाई एकताबद्ध हुन आह्वान गर्दै र ‘शहीदहरुको नाममा स्वार्थको खेल नहोस्’ भन्ने खबरदारीसहित ‘जेन–जेड युनाइटेड’को नामबाट माइतीघर मण्डलामा प्रदर्शन भएको छ ।

उक्त प्रदर्शनमा बालबालिकाहरु र शहीद परिवारका सदस्यहरु पनि सहभागी छन् ।

उनीहरुले ‘देश दुख्दा मौन नबसौं, एक हौं’, ‘रगतले लेखिएको इतिहास अब कर्मले पूरा गरौँ’, ‘शहीदहरुको रगत खेर नजाओस्’ लगायतका नारा लेखिएका प्लेकार्ड बोकेका छन् । उनीहरूले शान्तिपूर्ण रूपमा जुलुससहित प्रदर्शन गर्दै शहीदप्रतिको श्रद्धा र न्यायको माग गरेका थिए।