Global Force Media

२०८० चैत्र १६ - Fri Mar, 2024 -

पाकिस्तान सुपर चारमा, भारतसँग फेरि भिड्ने निश्चित

पाकिस्तान एसिया कप क्रिकेटको सुपर चारमा प्रवेश गरेको छ । युएईमा जारी प्रतियोगिताको समूह चरणको अन्तिम खेलमा हङकङलाई १५५ रनको फराकिलो अन्तरले हराउँदै पाकिस्तान सुपर चारमा पुगेको हो ।

सारजाह क्रिकेट मैदानमा पाकिस्तानले दिएको १९४ रनको लक्ष्य पछ्याएको हङकङ १० ओभर ४ बलमा ३८ रन जोड्दा अलआउट भयो ।

हङकङका लागि कप्तान निजाकट खानले सर्वाधिक ८ रन बनाए । हङकङका कुनैपनि खेलाडीले दोहोरो रन बनाउन सकेनन् ।

पाकिस्तानका लागि शादब खानले चार विकेट लिए । त्यस्तै मोहमद नवाजले तीन विकेट लिँदा नासिम शाहले दुई विकेट लिए । यसअघि पहिले ब्याटिङ गरेको पाकिस्तानले २० ओभर २ विकेट गुएर १९३ रन बनाएको थियो ।

पाकिस्तानका लागि मोहम्मद रिजवान र फकर जमानले अर्धशतकीय पारी खेले । ५७ बल खेलेका रिजवानले ६ चौका र १ छक्काको सहयोगमा ७८ रन बनाए ।

त्यस्तै ४१ बल खेलेका जमानले ३ चौका र २ छक्काको सहयोगमा ५३ रन बनाए । पाकिस्तानका खुल्सदिन शाहले अविजित ३५ तथा कप्तान बाबर अजामले ९ रन बनाए ।

हङकङका लागि इशान खानले तीन विकेट लिए । जितसँगै समूह ‘ए’ बाट पाकिस्तानले सुपर चारमा स्थान बनाएको छ । यसअघि भारत सुपर चारमा प्रवेश गरेको थियो । सुपर चारमा भारत र पाकिस्तान फेरि भिड्ने भएका छन् ।

Leave a Reply

Company Information

ग्लोबल फोर्स मिडिया प्रा. लि.(Global Force Media Pvt. Ltd.)
अध्यक्ष /संचालक: रमेश बसेल
सम्पादक: गोविन्द बहादुर बुढा
सुचना तथा प्रसारण विभाग दर्ता नं
3623-2079/2080
म्यानेजिङ डाईरेक्टर /संचालक: राजन मगर
कम्पनी दर्ता नं: 295102/079/080
प्यान नं: 610327171

Contact Information

Global Force Media Pvt. Ltd.
Pacha Dhara - 3, Nagarjun, Kathmandu

9851048327
info@globalforce.com.np
www.globalforce.com.np