Global Force Media

२०८१ बैशाख १३ - Thu Apr, 2024 -

सिट बाँडफाँट कार्यदलले मंगलबार शीर्ष नेतालाई अपुरो प्रतिवेदन बुझाउने

सिट बाँडफाँट गर्न गठितत सत्तारुढ कार्यदल सहमति जुटाउन असफल भएको छ । कार्यदलको बैठकमा दलहरूले दाबी गरेको सिट संख्यामा लचक नभएपछि सोमबारको कार्यदल बैठक विना सहमति बालुवाटारबाट निस्केको हो ।

सहमति नजुटेपछि कार्यदलले अपुरो प्रतिवेदन गठबन्धनका शीर्ष नेतालाई बुझाउने तयारी गरेको छ । कार्यदलको अर्को बैठक मंगलबार साँझ ६ बजे बस्ने कांग्रेस महामन्त्री समेत रहेका कार्यदल सदस्य गगन थापाले जानकारी दिए । उनले दलहरूले आआफ्नो दाबी नछोडेकाले सहमति जुट्न नसकेको पनि बताए ।

‘अहिलेसम्म कुनै सहमति जुटेको छैन । मंगलबार साँझ ६ बजे पुनः कार्यदलको बैठक बस्छ । भोलि ६ बजे बसेर टुंगिएपनि नटुंगिएपनि जेजस्तो हुन्छ त्यसैको प्रतिवेदन शीर्ष नेतालाई बुझाइन्छ’, थापाको भनाइ छ । १६५ सिटमध्ये कांग्रेसले सय, माओवादीले ६०, नेकपा एकीकृत समाजवादीले ४० र जनता समाजवादीले ३२ सिट दाबी गरेका थिए भने राष्ट्यि जनामोर्चाले २ सिट मागेको थियो ।

तर यो दाबीमा कार्यदल सदस्यहरू टसको मस नभएपछि कुरा नमिलेको हो । मंसिरमा हुने हुने निर्वाचनका लागि गत साउन २० गते पाँच दलीय गठबन्धनले कांग्रेस नेता कृष्ण सिटौलाको संयोजकत्वमा ११ सदस्यीय कार्यदल गठन गरेको थियो ।

Leave a Reply

Company Information

ग्लोबल फोर्स मिडिया प्रा. लि.(Global Force Media Pvt. Ltd.)
अध्यक्ष /संचालक: रमेश बसेल
सम्पादक: गोविन्द बहादुर बुढा
सुचना तथा प्रसारण विभाग दर्ता नं
3623-2079/2080
म्यानेजिङ डाईरेक्टर /संचालक: राजन मगर
कम्पनी दर्ता नं: 295102/079/080
प्यान नं: 610327171

Contact Information

Global Force Media Pvt. Ltd.
Pacha Dhara - 3, Nagarjun, Kathmandu

9851048327
info@globalforce.com.np
www.globalforce.com.np