मुस्लिम आयोगका अध्यक्ष समिम मियाँ अन्सारीको संरक्षण पाएका रिजवान आलम कारागार चलान भएका छन् । आलम दुबईबाट आउने क्रममा अन्सारीले त्रिभुवन अन्तर्राष्ट्रिय विमानस्थलको भीआईपी कक्ष दुरुपयोग गरेर भगाएको आरोप छ ।

एयरपोर्टबाट भागेपनि भदौ १८ गते राति सुनसरी घर भएका ३० वर्षीय आलमलाई उपत्यका अपराध अनुसन्धान कार्यालयबाट खटिएको टोलीले मेरियट होटलबाट पक्राउ गरेको थियो । होटलमा अर्को व्यक्तिको नाममा कोठा बुक गरेर उनलाई राखिएको अनुसन्धानमा संलग्न प्रहरी अधिकृतहरु बताउँछन् ।

ठगी मुद्दामा फरार आरोपी उनलाई अदालतको आदेशमा आइतबार करागार चलान गरिएको प्रहरी स्रोतले बताएको छ ।