बलिउड अभिनेत्री अथिया शेट्टी र भारतीय क्रिकेटर केएल राहुलबीचको प्रेम सम्बन्ध लामो समयदेखि चर्चामा छ । बेलाबेला उनीहरुको विवाहको समाचार पनि आइरहन्छ ।

भारतीय न्युज एजेन्सी एएनआईको रिपोर्ट अनुसार बीबीसीआई स्रोतले दुई जनाले आगामी जनवरीमा विवाह गर्न लागेको जानकारी दिएका छन् । स्रोतका अनुसार केएल राहुलले बीसीसीआईलाई आफूले आगामी वर्ष विवाह गर्न लागेको जानकारी गराएका छन् । टी–२० विश्वकप र न्युजिल्याण्डको भ्रमणपछि दुईजनाले महाराष्ट्रमा विवाह गर्ने उनको भनाई छ । यो कुरा अथियाको परिवारले पनि बताएका छन् ।

यसअघि राहुल–अथियाको विवाह सुनील शेट्टीको खन्डालास्थित घरमा हुने बताइएको थियो । दुई जना ३ वर्षदेखि एकअर्कालाई डेट गरिरहेका छन् । अथिया र राहुल मुम्बईको बान्द्रास्थित पाली हिलमा संधु प्यालेस नाम गरेकी बिल्डिङको अपार्टमेन्टमा सँगै बस्दै आइरहेका छन् ।