Global Force Media

२०८० चैत्र १६ - Fri Mar, 2024 -

वेस्ट इन्डिजविरुद्धको पहिलो टेस्टमा अस्ट्रेलिया विजयी

वेस्ट इन्डिजविरुद्धको पहिलो टेस्टमा अस्ट्रेलिया विजयी

वेस्ट इन्डिज विरुद्धको पहिलो टेस्टमा अस्ट्रेलिया १ सय ६४ रनले विजयी भएको छ । ४ सय ९८ रनको लक्ष्य पाएको वेस्ट इन्डिजले आफ्नो दोस्रो पारीमा ३ सय ३३ रन मात्र बनाउन सक्यो ।

वेस्ट इन्डिजका लागि कप्तान क्रेग ब्राथवेटले शतकीय पारी खेले पनि टोलीलाई हारबाट जोगाउन सकेनन् । उनले १ सय १० बनाएर नेथन लियोनको बलमा बोल्ड भए । उनलाई ओपनर टागेनरेन चन्द्रपाउनले ४५ रन बनाएर राम्रो साथ दिए । तर, टोलीका मध्यक्रमका ब्याट्सम्यानहरु चम्कन सकेनन् । अन्त्यतिर रोस्टोन चेसले ५५ तथा अल्जारी जोसेफले ४३ रन बनाउँदै टोलीलाई केही बेर सम्हालेका थिए ।

अस्ट्रेलियाका लागि लियोनले ६ विकेट लिए भने ट्राभिस हेडले २ विकेट लिए । अस्ट्रेलियाले पहिलो इनिङ्समा ४ विकेटको क्षतिमा ५ सय ९८ रन बनाउँदै इनिङ्स समाप्तिको घोषणा गरेको थियो । जवाफमा वेस्ट इन्डिज २ सय ८३ रन बनाएर आउट भएपछि अस्ट्रेलियाले दोस्रो इनिङ्स २ विकेटको क्षतिमा १ सय ८२ रनको स्थितिमा समाप्तिको घोषणा गरेको थियो । पहिलो पारीमा दोहोरो शतक तथा दोस्रो पारीमा शतक बनाएका मार्नस लाबुसेन प्लेअर अफ द म्याच घोषित भए ।

Leave a Reply

Company Information

ग्लोबल फोर्स मिडिया प्रा. लि.(Global Force Media Pvt. Ltd.)
अध्यक्ष /संचालक: रमेश बसेल
सम्पादक: गोविन्द बहादुर बुढा
सुचना तथा प्रसारण विभाग दर्ता नं
3623-2079/2080
म्यानेजिङ डाईरेक्टर /संचालक: राजन मगर
कम्पनी दर्ता नं: 295102/079/080
प्यान नं: 610327171

Contact Information

Global Force Media Pvt. Ltd.
Pacha Dhara - 3, Nagarjun, Kathmandu

9851048327
info@globalforce.com.np
www.globalforce.com.np