पद्मकन्या क्याम्पसमा ३१ प्रतिशत मात्रै मत खस्यो

५ चैत, काठमाडौं । पद्मकन्या क्याम्पसमा भएको स्ववियु निर्वाचनमा जम्मा ३१ प्रतिशत मात्रै मत खसेको छ ।

पद्मकन्या क्याम्पस स्ववियु निर्वाचन समितिका अनुसार पाँच हजार ७ सय मतदाता रहेको क्याम्पसमा जम्मा एक हजार ८१७ मात्रै मत खसेको छ ।

१४ वर्षपछि भएको निर्वाचनमा निराशाजनक मत खसेको निर्वाचन समितिले जनाएको छ । २१ सदस्यीय स्ववियु समितिको लागि भएको निर्वाचनमा अध्यक्ष पदको लागि ३ उम्मेदवार सहित प्रत्यक्ष तर्फबाट ३४ जनाले उम्मेदवारी दिएका छन् ।

समितिका अनुसार भर्खरै सर्वपक्षीय बैठक पूरा भएको र केहीबेरमै मत गणनाको तयारी भइरहेको छ ।