Global Force Media

२०८१ जेष्ठ १४ - Mon May, 2024 -

ए डिभिजन लिगः पाँचौ चरण सकिँदा दुई टिम मात्रै अपराजित

ए डिभिजन लिगः पाँचौ चरण सकिँदा दुई टिम मात्रै अपराजित

काठमाडौँ- जारी सिजनको सहिद स्मारक ‘ए’ डिभिजन फुटबल लिगको पाँचौ चरणका खेलहरु टुंगिएका छन् । पाँचौ चरणको समाप्तिसँगै सहभागी १४ मध्ये केवल दुई टिममात्र अपराजित रहन सफल भएका छन् ।

पाँचौ चरणसम्म अपराजित हुने टिममा मनाङ मर्स्याङ्दी क्लब तथा नवप्रवेशी चर्च ब्वाइज युनाटेड रहेका छन् ।

मनाङले पाँचमध्ये ३ खेल जित्दा २ खेलमा अंक बाँडेको छ । त्यसैगरी, चर्च ब्वाइजले पनि ३ खेल जित्दा २ खेलमा बराबरीको नतिजा निकालेको छ । दुबै टिमले समान ११-११ अंक जोडेका छन् ।

१२ अंकसहित शीर्ष स्थानमा रहेको सातदोबाटो युथ क्लबले भने ४ खेलमा जित हात पार्दा एक खेलमा पराजय भोगेको छ । लिगमा एक खेलमा मात्र पराजित हुने टिममा सातदोबाटोसँगै जावलाखेल युथ क्लब, त्रिभुवन आर्मी फुटबल क्लब तथा संकटा क्लब रहेका छन् ।

नेपाल पुलिस क्लबले भने सबै भन्दा धेरै ४ खेलमा पराजित हुँदा एक खेलमा बराबरीको नतिजा निकालेको छ । न्यूरोड टिम, फ्रेन्ड्स तथा एफसी खुमलटारले समान ३-३ खेलमा पराजय भोगेका छन् ।

नेपाल एपीएफ क्लब, थ्रीस्टार क्लब, हिमालयन शेर्पा क्लब तथा साविक विजेता मछिन्द्र फुटबल क्लबले भने समान २-२ खेलमा पराजित भएका छन् ।

Leave a Reply

Company Information

ग्लोबल फोर्स मिडिया प्रा. लि.(Global Force Media Pvt. Ltd.)
अध्यक्ष /संचालक: रमेश बसेल
सम्पादक: गोविन्द बहादुर बुढा
सुचना तथा प्रसारण विभाग दर्ता नं
3623-2079/2080
म्यानेजिङ डाईरेक्टर /संचालक: राजन मगर
कम्पनी दर्ता नं: 295102/079/080
प्यान नं: 610327171

Contact Information

Global Force Media Pvt. Ltd.
Pacha Dhara - 3, Nagarjun, Kathmandu

9851048327
info@globalforce.com.np
www.globalforce.com.np