Global Force Media

२०८१ बैशाख १३ - Thu Apr, 2024 -

आमाको हत्या गरी फरार शिवकुमार रूपन्देहीबाट पक्राउ

बुटवल- पश्चिम नवलपरासीमा एक युवाले आफ्नै आमाको हत्या गरेकाे खुलेको छ । जिल्लाको सुनवल नगरपालिका वडा नं. १३ का २५ वर्षीय शिवकुमार मुसहरले आफ्नै आमा ५० वर्षीया बुद्धिरानी मुसहरको हत्या गरेका हुन् ।

जिल्ला प्रहरी कार्यालय नवलपरासीका सूचना अधिकारी प्रहरी नायब उपरीक्षक भोजराज पाण्डेले मुसहरले सोमबार साँझ टाउकोमा धारिलो हतियार प्रहार गरी आमाको हत्या गरेको बताए । मुसहर आमाको हत्या गरेपछि घरभित्रै शवलाई छाडेर फरार भएका थिए ।

उनीहरूको परिवारको आर्थिक स्रोत दैनिक मजदुरी रहेको प्रहरीले जनाएको छ । काम गरेर साँझ घर फर्केका मृतकका श्रीमानले घरभित्र श्रीमतीको शव देखेपछि स्थानीयको सहयोगमा प्रहरीलाई खबर गरेका थिए ।

अभियुक्त शिवकुमारले यसअघि पनि दुई पटकसम्म आमालाई बेहोस हुने गरी कुटपिट गरेर छाड्ने गरेको प्रहरीले जनाएको छ । आमालाई मात्र होइन उनले श्रीमतीलाई पनि दैनिक रूपमा कुटपिट गर्ने गरेका थिए ।

कुटपिट सहन नसकेपछि उनकी श्रीमती दुई महिना अघिबाट माइती गएर बसेको प्रहरी उपरीक्षक पाण्डेले बताए । हत्यापछि फरार रहेका अभियुक्त रूपन्देहीको गैंडाहवा-८ मैनिहवामा लुकेर बसेको अवस्थामा मंगलबार बिहान पक्राउ परेका छन् ।

Leave a Reply

Company Information

ग्लोबल फोर्स मिडिया प्रा. लि.(Global Force Media Pvt. Ltd.)
अध्यक्ष /संचालक: रमेश बसेल
सम्पादक: गोविन्द बहादुर बुढा
सुचना तथा प्रसारण विभाग दर्ता नं
3623-2079/2080
म्यानेजिङ डाईरेक्टर /संचालक: राजन मगर
कम्पनी दर्ता नं: 295102/079/080
प्यान नं: 610327171

Contact Information

Global Force Media Pvt. Ltd.
Pacha Dhara - 3, Nagarjun, Kathmandu

9851048327
info@globalforce.com.np
www.globalforce.com.np