विश्वासको मत पाएपछि प्रधानमन्त्रीले भने – देश र जनताप्रति थप जिम्मेवारीबोध भएको छ
काठमाडौँ – प्रधानमन्त्री पुष्पकमल दाहाल प्रचण्डले सदनमा विश्वासको मत पाएसँगै देश र जनताप्रति थप जिम्मेवारी बोध भएको बताएका छन् ।
विश्वासको मत प्राप्त गरेपछि बुधबार संसद भवन नयाँ बानेश्वरमा सञ्चारकर्मीसँग कुरा गदै प्रचण्डले राष्ट्र र जनताको पक्षमा राम्रा काम तीव्र गतिमा गर्ने जिम्मेवारीलाई गम्भीरतापूर्वक पूरा गर्ने समेत बताए ।
यसअघि पनि विश्वासको मत दिएको भन्दै उनले नयाँ राजनीतिक समीकरणसहित विश्वासको मत पाउँदाको अनुभव अझ बढी लोकतान्त्रिक ढंगले सजीव रहेको जिकिर गरे ।
उनले आफूप्रति भरोसा गरेर मत दिनेलाई धन्यवाद दिँदै विपक्षमा मत दिएर सरकारले राम्रो काम गरोस् भन्नेलाई पनि धन्यवाद दिए ।
उनले बुधबार प्रतिनिधिसभामा विश्वासको मत प्राप्त गरेका हुन् ।
