Global Force Media

२०८१ फाल्गुन २ - Fri Feb, 2025 -

‘हेपाटाइटिस रोकथाम र नियन्त्रण सरकारको प्राथमिकतामा छैन’

काठमाडौँ । हरेक वर्ष विश्वमा करिब ११ लाख मानिसको मृत्यु हेपाटाइटिस ‘बी’ र ‘सी’ का कारण गरेको विश्व स्वास्थ्य सङ्गठनको तथ्याङ्कमा उल्लेख छ ।

धेरैजसो हेपाटाइटिसको रोकथाम र उपचार गर्न सकिए पनि उपचारको पहुँच र रोगको चेतना नभएर धेरै मानिसको अकालमै मृत्यु हुने गरेको चिकित्सकहरूको भनाइ छ ।

विश्व स्वास्थ्य सङ्गठनले सन् २०३० सम्म हेपाटाइटिसलाई संसारबाट उन्मूलन गर्ने लक्ष्य लिएको छ । त्यसैगरी सो समयमा हेपाटाइटिस ‘बी’ र ‘सी’ को नयाँ सङ्क्रमणलाई ९० प्रतिशतले घटाउने लक्ष्य छ ।

हेपाटाइटिसका कारण कलेजो सिरोसिस र क्यान्सरबाट हुने मृत्युलाई ६५ प्रतिशतले घटाउने लक्ष्य राखेको छ ।  तर नेपाल सरकारले भाइरल हेपाटाइटिस बी र सीका लागि राष्ट्रिय रणनीति बनाए पनि यसको रोकथाम र बिरामीका लागि उचित व्यवस्थापन गर्न सकेको छैन ।

वीर अस्पतालका कलेजो रोग विशेषज्ञ प्राडा.दिलिप शर्माले सरकारले लिभर हेल्थ जस्तो महत्त्वपूर्ण विषयमा पनि प्राथमिकताका साथ काम नगरेको गुनासो गरेका छन् । उनले भाइरल हेपाटाइटिस ए,ई र भाइरल हेपाटाइटिस बी र सीलाई जनस्वास्थ्यको एउटा ठुलो मेजर थ्रेट मान्न आवश्यक रहेको भन्दै अहिले सरकारको तर्फबाट लिभर हेल्थको लागि जति काम कारबाही हुनुपर्ने हो त्यो नभएको गुनासो गरे ।

उनले भने,‘अहिलेसम्म कलेजोलाई सार्वजनिक पब्लिक हेल्थ इस्यु चाहिँ मानिएको छैन । भाइरल हेपाटाइटिस ए,ई र भाइरल हेपाटाइटिस बि र सी लाई जनस्वास्थ्यको  एउटा ठुलो मेजर थ्रेट मान्नुपर्ने हो तर गर्भमेन्टमा कुरा त भएको छ अहिले  सरकारको  तर्फबाट लिभर हेल्थको लागि जति काम कारबाही हुनुपर्ने हो त्यो भएको छैन ।’ साधरणतया कलेजोमा भएको समस्याको सुरमा नै लक्षण नदेखिने, कतिपयलाई थाहा नहुने पछि एकै चोटि बिरामी समस्या जटिल भएपछि मात्रै अस्पताल जाँदा लिभर टान्सपालान्टसम्म गर्नुपर्ने अवस्था आउँदा बिरामी आर्थिक भारमा थिचिने बताउँछन् ।

डा.शर्मा सरकारले हेपाटाइटिस बी र सी लाई पत्ता लगाउने विषयमा गम्भीर  भएर लाग्नसक्यो यस रोगको समस्या कम गर्न सकिने विश्वास व्यक्त गर्छन् । सरकारले  डाइनोसिस भएर औषधि गर्नको बिरामीहरूको पहुँच नपुग्ने भएकाले स्वास्थ्य बिमा कार्यक्रम सञ्चालन गर्नुपर्ने सुझाव दिन्छन् ।

त्यस्तै,नेपाल मेडिसीटी अस्पतालका पेट तथाकलेजो रोग विशेषज्ञ डा.उमिदकुमार श्रेष्ठले सरकारले हेपाटाइसिसका लागि राष्ट्रिय नीति, प्रशस्त अध्ययन र वास्तविकता पत्ता लगाएर सबैखाले हेपाटाइटिसलाई सम्बोधन गर्नेगरी तयारी गर्न सुझाव दिए ।

‘हेपाटाइसिसका लागि सरकारले राष्ट्रिय नीति बनेको सुन्नमा आएको छ तर यसमा प्रशस्त अध्ययन र वास्तविकता पत्ता लगाएर मात्र नीति तयार गर्नुपर्छ । सबैखाले हेपाटाइटिसलाई सम्बोधन गर्नेगरी नीति बनाउनु जरुरी छ’उनले भने ।

दुब्र्यसनीका कारण युवाहरुमा हेपाटाइसिस ‘सी’को जोखिम बढ्दो र टाटु लगाउने चलन र शरीरका जथाभाबी कुन्डल अर्थात मुन्द्रीलगाउने चलनले ‘बी’ र ‘सी’को जोखिम बढ्दो क्रममा रहेको डा.श्रेष्ठ बताउँछन् ।

उनले यसको उपचार खर्चिलो र औषधि पनि महंगो हुनेसबैले उपचार गर्न नसक्ने भन्दै उपचारमा सहुलियतको व्यवस्था गर्न सरकारसँग माग गरे ।

उनले भने,‘हिजोआज दुब्र्यसनीका कारण युवाहरुमा हेपाटाइसिस ‘सी’को जोखिम बढ्दो छ । टाटु लगाउने चलन र शरीरका जथाभाबी कुन्डल अर्थात मुन्द्रीलगाउने चलनले पनि ‘बि’ र ‘सी’को जोखिम बढ्दो छ । यसको उपचार पनि खर्चिलो हुन्छ । भाइरसको सङ्ख्या बढी देखियो भने खर्च थप बढ्ने र औषधि पनि महंगो हुने भएकाले सबैले उपचार गर्न नसक्ने अवस्था आउन सक्छ । यसका लागि सरकारले सहुलियतको व्यवस्था गर्नुपर्छ ।’

Leave a Reply

Company Information

ग्लोबल फोर्स मिडिया प्रा. लि.(Global Force Media Pvt. Ltd.)
अध्यक्ष /संचालक: रमेश बसेल
सम्पादक: गोविन्द बहादुर बुढा
सुचना तथा प्रसारण विभाग दर्ता नं
3623-2079/2080
म्यानेजिङ डाईरेक्टर /संचालक: राजन मगर
कम्पनी दर्ता नं: 295102/079/080
प्यान नं: 610327171

Contact Information

Global Force Media Pvt. Ltd.
Pacha Dhara - 3, Nagarjun, Kathmandu

9851048327
info@globalforce.com.np
globalforcenp@gmail.com
www.globalforce.com.np