काठमाडौं,  । नेकपा ( एमाले ) का अध्यक्ष केपी शर्मा ओलीले सुशीला कार्की नेतृत्वको अहिलेको सरकार असंवैधानिक रहेको र यो हट्नुपर्ने बताएका छन् । आज मंगलबार विघटित एमाले संसदीय दलको बैठकमा  उनले भदौ २३ र २४ गते भएको जेन–जी आन्दोलनले देशलाई अन्धकारतर्फ धकेलेको टिप्पणी गरे ।

अध्यक्ष ओलीले देशद्रोहीविरुद्धका काममा एमाले चुप लागेर बस्न नसक्ने बताए । उनले एमाले संविधान र लोकतन्त्रको पक्षमा उभिने बताए ।  प्रतिनिधिसभा विघटनविरुद्ध कानूनी लडाईँ र सडक संघर्ष दुवै प्रकारको कदम चाल्नुपर्ने बताएका छन् ।

‘कानुनी लडाई लड्छौ । दोस्रो सडक सङ्घर्ष गर्छौं । एमालेले गर्ने सङ्घर्ष आगजनी र तोडफोड गर्ने नभई संवैधानिक,शान्तिपूर्ण र जनताको जीउधनको रक्षा गर्ने हुन्छ,’– ओलीले भने ।