Global Force Media

२०८१ जेष्ठ ११ - Fri May, 2024 -

धनगढीमा भ्रष्टाचारविरुद्ध निसाना प्रदर्शन

धनगढी । भ्रष्टाचारविरुद्ध कैलालीको धनगढीमा कार्टुनिष्टहरूले निसाना प्रदर्शन गरेका छन् । कार्टुनिष्ट क्लब अफ नेपालको आयोजनामा शुक्रबारदेखि दुई दिने प्रदर्शनी सुरू भएको हो ।
नेपालका चर्चित ३६ जना कार्टुनिष्टहरूले भ्रष्टाचारविरुद्धको सन्देश दिने ५० वटा कार्टुन प्रदर्शनीमा राखिएको छ । प्रदर्शनीको सुदूरपश्चिम प्रदेशका उपसभामुख निर्मला पडाल जोशीले उद्घाटन गरेकी हुन् ।

उपसभामुख जोशीले भ्रष्टाचारमुक्त समाज निर्माणका लागि कार्टुनले सतर्कता बनाएको बताइन् । कार्टुनमा नेपाली समाजमा देखिएको समस्याहरूलाई व्यङ्ग्यात्मक रूपमा सतर्क रहन बनाएको उनले बताए । उनले कार्टुनबाट प्रस्तुत विषयले दीर्घकालिन रूपमै प्रभाव पार्ने जिकिर गरिन् । कार्टुन, चलचित्र, नाटक लगायतका कलाले समाजलाई सही बाटोमा दोहोर्‍याउन मद्दत पुर्‍याउने गरेको उनले बताइन् ।

कार्टुनिस्ट क्लब अफ नेपालका अध्यक्ष एवं नेपालका चर्चित कार्टुनिष्ट वासु क्षितिजले संघीयतामा मुलुक गएपछि विकाससँगै भ्रष्टाचार पनि तल्लो तहसम्म पुगेको बताउँदै जनप्रतिनिधि र नागरिकहरूलाई सतर्क बनाउन धनगढीमा निसाना सुरू गरिएको बताए । विकृति–विसंगतीविरुद्ध रङ, रेखा र शब्दमार्फत उनीहरूले भ्रष्टाचारविरुद्ध लाग्न समुदायलाई नै आह्वान गरेका छन् ।
प्रदर्शनीमा सहभागीहरूले निसानाले समाजको यथार्थलाई उत्कृष्ट रूपमा प्रहार गरेको बताएका छन् । उद्घाटन समारोहमा कार्टुनिष्टका सल्लाहकार अविन श्रेष्ठ, नेपाल पत्रकार महासंघ कैलालीका अध्यक्ष हिमालय जोशी, वरिष्ठ पत्रकार चित्रांग थापा, नेकपा माओवादी केन्द्रका केन्द्रीय सदस्य लक्षिराम आचार्य लगायतले मन्तव्य व्यक्त गरेका थिए ।

Leave a Reply

Company Information

ग्लोबल फोर्स मिडिया प्रा. लि.(Global Force Media Pvt. Ltd.)
अध्यक्ष /संचालक: रमेश बसेल
सम्पादक: गोविन्द बहादुर बुढा
सुचना तथा प्रसारण विभाग दर्ता नं
3623-2079/2080
म्यानेजिङ डाईरेक्टर /संचालक: राजन मगर
कम्पनी दर्ता नं: 295102/079/080
प्यान नं: 610327171

Contact Information

Global Force Media Pvt. Ltd.
Pacha Dhara - 3, Nagarjun, Kathmandu

9851048327
info@globalforce.com.np
www.globalforce.com.np