Global Force Media

२०८१ बैशाख १३ - Thu Apr, 2024 -

नवौं राष्ट्रिय खेलकुद शुक्रबारदेखि औपचारिक रूपमा सुरु

काठमाडौँ । नवौं राष्ट्रिय खेलकुद प्रतियोगिता शुक्रबारदेखि औपचारिक रूपमा सुरु भएको छ ।

शुक्रबार पोखरा रङ्गशालामा आयोजित विशेष समारोहका बीच नवौं राष्ट्रिय खेलकुदको उद्घाटन गरिएको हो । उद्घाटनमा विभिन्न प्रदेशले मार्चपास गरेका थिए भने सांस्कृतिक झाँकी प्रस्तुत गरिएको थियो ।

कोभिड महामारी लगायत विविध कारणले ४ वर्षपछि राष्ट्रिय खेलकुद आयोजना गरिएको हो । गण्डकीमा भने ३९ वर्षपछि प्रतियोगिता हुन लागेको हो । यसअघि गण्डकीमा २०४० सालमा राष्ट्रिय खेलकुद आयोजना भएको छ । नवौंको अधिकांश खेलहरू पोखरा रंगशालामा आयोजना गरिएको छ । पुरुष क्रिक्रेटको खेल भने यसअघि नै काठमाडौँमा सम्पन्न भइसकेको छ ।

नवौं राष्ट्रिय खेलकुद प्रतियोगितामा ११ टिमका ६ हजार १ सय ५७ खेलाडीले प्रतिस्पर्धा गरिरहेका छन् । जसमा ४ सय ४ स्वर्ण पदकका लागि प्रतिस्पर्धा भइरहेको छ ।

यसपटक विभागीय टोली नेपाल पुलिस, नेपाल एपीएफ र नेपाल आर्मीसहित सात प्रदेशका सात टिम र एनआरएनए गरी ११ टिमका खेलाडीले सहभागिता जनाएका छन् । यसपटक ३६ खेलका ४ सय ४ इभेन्ट्समा खेलाडीले प्रतिस्पर्धा गर्ने छन् ।

Leave a Reply

Company Information

ग्लोबल फोर्स मिडिया प्रा. लि.(Global Force Media Pvt. Ltd.)
अध्यक्ष /संचालक: रमेश बसेल
सम्पादक: गोविन्द बहादुर बुढा
सुचना तथा प्रसारण विभाग दर्ता नं
3623-2079/2080
म्यानेजिङ डाईरेक्टर /संचालक: राजन मगर
कम्पनी दर्ता नं: 295102/079/080
प्यान नं: 610327171

Contact Information

Global Force Media Pvt. Ltd.
Pacha Dhara - 3, Nagarjun, Kathmandu

9851048327
info@globalforce.com.np
www.globalforce.com.np