Global Force Media

२०८० चैत्र १५ - Thu Mar, 2024 -

एट्लेटिकोले युरोपा लिग पनि खेल्न नपाउने

एट्लेटिकोले युरोपा लिग पनि खेल्न नपाउने

च्याम्पियन्स लिगको समुह चरणबाटै बाहिरिएको स्पेनिस क्लब एट्लेटिको मड्रिडले युरोपा लिगसमेत खेल्न नपाउने भएको छ । मंगलबार एफसी पोर्टोसँग २–१ गोलले पराजित भएसँगै एट्लेटिको युरोपको दुवै प्रतियोगिताबाट बाहिरिएको हो ।

गत हप्ता बायर लेभरक्युजनसँग बराबरी खेल्दै च्याम्पियन्स लिगबाट बाहिरिएको एट्लेटिकोले युरोपा लिगमा छनोट हुने आशा राखेको थियो । तर, मेहेदी तारेमी र स्टेफन इउस्टाकिओले गोल गर्दै एट्लेटिकोको सपना चकनाचुर पारे । खेलको इन्जुरी समयमा इभान मार्कानोले आत्मघाती गोल गरे पनि एट्लेटिको खेलमा फर्कन सकेन ।

समूहको अर्को खेलमा लेभरक्युजनले दोस्रो स्थानमा रहेको क्लब ब्रगसँग गोलरहित बराबरी खेलेपछि समूह बीमा एट्लेटिको पुछारमा रहन बाध्य बन्यो । सन् २०११ मा एट्लेटिकोको नेतृत्व सम्हाले यता डिएगो सिमिओनीको टोली च्याम्पियन्स लिगको समूह चरणमा चौथो बनेको यो पहिलो अवसर हो ।

एट्लेटिकोले यो सिजन सबै प्रतियोगिताका पछिल्ला १२ खेलमध्ये ४ खेलमा मात्र जीत हासिल गरेको छ ।
यो समूहबाट एफसी पोर्टो १२ अंक बटुल्दै शीर्ष स्थानमा रहेर अन्तिम १६ मा प्रवेश गरेको छ भने ब्रग ११ अंकसहित दोस्रो स्थानमा रह्यो ।एजेन्सी

Leave a Reply

Company Information

ग्लोबल फोर्स मिडिया प्रा. लि.(Global Force Media Pvt. Ltd.)
अध्यक्ष /संचालक: रमेश बसेल
सम्पादक: गोविन्द बहादुर बुढा
सुचना तथा प्रसारण विभाग दर्ता नं
3623-2079/2080
म्यानेजिङ डाईरेक्टर /संचालक: राजन मगर
कम्पनी दर्ता नं: 295102/079/080
प्यान नं: 610327171

Contact Information

Global Force Media Pvt. Ltd.
Pacha Dhara - 3, Nagarjun, Kathmandu

9851048327
info@globalforce.com.np
www.globalforce.com.np