बौद्ध धर्मावलम्बीहरूले लुम्बिनीमा ‘रामकथा वाचन’ राखिएकोमा आपत्ति

काठमाडौँ । बौद्ध धर्मावलम्बीहरूले लुम्बिनीमा ‘रामकथा वाचन’ राखिएकोमा आपत्ति जनाएका छन् । भारतीय मुरारी बाबुले लुम्बिनी क्षेत्र विकास कोषको अन्तर्राष्ट्रिय हलमा गर्न लागेको ‘रामकथा वाचन’ लाई अन्यत्र सार्न सार्न समेत आग्रह गरेका छन् ।

आइतबार संवाद डबलीमा पत्रकार सम्मेलनको आयोजना गरेर बौद्ध धर्मावलम्बीहरूले आफूहरूको आत्मसम्मानमा ठेस पुर्‍याउने गरी कथा वाचनको गर्न लागिएको भन्दै रोक्न सरकारसँग माग समेत गरेका छन् । पत्रकार सम्मेलनमा बोल्दै लुम्बिनी विश्वविद्यालयका पूर्व सदस्य पासाङ तेम्बा लामाले धार्मिक असहिष्णुता निम्त्याउन लुम्बिनीमा कथा वाचन राखिएको बताए ।