काठमाडौँ । फिल्म ‘ह्यासट्याग माया’को शुभमुहूर्त गरिएको छ । शुक्रबार बुङ्मतीस्थित कार्यविनायक मन्दिरमा फिल्मको शुभमुहूर्त गरिएको हो ।

राजीव गुरुङको निर्देशन रहने फिल्ममा नम्रता श्रेष्ठ, सारूक ताम्राकार, रोय श्रेष्ठ, निकिता आचार्य, केनिपा सिंह, सुदाम सिके लगायतको अभिनय छ ।

फिल्मको छायांकन आउँदो साताबाट सुरु हुनेछ । निर्देशक गुरुङले फिल्मको छायांकन काठमाडौंबाट सुरू भई पोखरा, बर्दिया हुँदै धरानमा सकिने जानकारी दिए । ४५ दिनको छायांकन सेडुल रहेको फिल्ममा प्रेमकथामा बन्न लागेको हो । फिल्मको निर्माता शर्मिला थापा हुन् ।

फिल्ममा निर्देशक गुरुङ र आशुतोष श्रेष्ठको लेखन, उज्वल जोशीको छायांकन र अनुप पौडेलको कार्यकारी निर्माण रहनेछ ।