काठमाडौँ- साउदी अरेवियन क्लब अल-नासरबाट पोर्चुगिज फुटबल स्टार क्रिस्टियानो रोनाल्डोले पहिलो उपाधि जितेका छन् ।

अल-नासरले अरव क्लब च्याम्पियन्स कपको उपाधि उचालेसँगै रोनाल्डोले क्लबबाट पहिलो उपाधि चुमेका हुन् ।

फाइनलमा अर्को साउदी क्लब अल-हिलाललाई २-१ गोलअन्तरले पराजित गर्दै अल-नासरले उपाधि जितेको हो ।

अल-नासरलाई उपाधि दिलाउन दुवै गोल रोनाल्डोले गरेका थिए । अल-हिलालका लागि माइकलले एक गोल गरे ।