काठमाडौँ- नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल ‘प्रचण्ड’ ले नयाँ सत्ता समीकरणमा सहभागी हुन एकीकृत समाजवादीलाई आग्रह गरेका छन् ।

ओली र दाहालले मंगलबार साँझ एकीकृत समाजवादीका अध्यक्ष माधवकुमार नेपाललाई भेटेर नयाँ सत्ता गठबन्धनमा सहभागी हुन आग्रह गरेका हुन् । उनीहरू नेपाललाई भेट्न उनकै निवास कोटेश्वर पुगेका थिए ।

सोमबार प्रधानमन्त्री दाहालले एमालेसँग नयाँ गठबन्धन बनाएका थिए । हिजै बेलुका प्रधानमन्त्री दाहालले कोटेश्वर पुगी नेता नेपाललाई गठबन्धनमा सहभागी हुन आग्रह गरेका थिए ।