शिवपुरी राष्ट्रिय निकुञ्जमा आत्मदाह प्रयास गर्ने युवकको उद्धार
शिवपुरी नागर्जुन राष्ट्रिय निकुञ्ज नजिकै एक युवक जलेर घाइते भएका छन् ।
शुक्रबार दिउँसो टोखा र तारकेश्वर नगरपालिकाको सीमा क्षेत्रमा नुवाकोट लिखु गाउँपालिका-३ सूर्यमतिका अन्दाजी ३० वर्षीय विकल्प पौडेलले शरीरमा आगो लगाएका थिए । जलेर घाइते भएका उनलाई काठमाडौं प्रहरी वृत्त महाराजगन्जको टोलीले उद्धार गरी अस्पताल ल्याएको हो ।
उनको त्रिवि शिक्षण अस्पताल महाराजगन्जमा उपचार भइरहेको छ । पौडेलको अनुहार र शरीरका विभिन्न भाग जलेका छन् । घटनाबारे अनुसन्धान भइरहेको प्रहरीले जनाएको छ ।