काठमाडाैं । सरकारले मन्त्रिपरिषदको निर्णय २४ घण्टासम्म गोप्य राख्ने अभ्यासलाई फेरि सुरु गर्ने भएको छ । त्यस्तै, सरकारको प्रवक्तामा सञ्चारमन्त्री पृथ्वीसुब्बा गुरुङ तोकिएका छन् ।

आज बसेको मन्त्रिपरिषदका निर्णयहरु गुरुङले पत्रकारहरुलाई जानकारी गराए । तर, अब आइन्दाका वैठकको तत्कालै जानकारी नगराइने उनले बताए ।

‘मन्त्रीपरिषदको निर्णय परिपक्व हुन २४ घन्टा लाग्छ । २४ घन्टाभित्र निर्णयहरु गोप्य राख्नुपर्ने प्रावधान उल्लंघन भइरहेको रहेछ । तर, अब देखि हामी २४ घन्टापछि मात्रै निर्णय सार्वजनिक गर्छौं,’ उनले भने ।

बैठकको भोलिपल्ट मन्त्री गुरुङले पत्रकार सम्मेलन गरेर निर्णय सार्वजनिक गर्ने भएका छन् । सार्वजनिक महत्वका र अत्यावश्यक निर्णय तत्काल जानकारी गराउनुपर्नेमा छलफल गरेर जानकारी गराउने उनले बताए ।