मृत्यु हुनेमा भरतपुर महानगरपालिका–२ का ६३ वर्षीय पुरुष रहेका छन् ।

डेंगी संक्रमणका कारण यो आर्थिक वर्षमा चितवनमा भएको यो पहिलो मृत्यु हो । चितवनमा संक्रमण फैलँदो छ । जनस्वास्थ्य कार्यालयका अनुसार साउनयता भदौ १६ सम्म चितवनमा ५५१ जनामा डेंगी संक्रमण भएको छ । सात पालिका रहेको चितवनमा सवैभन्दा बढी संक्रमण पहाडी भूभाग रहेको इच्छाकामना गाउँपालिकामा छ ।

इच्छाकामनामा साउनयता २८३ मा डेंगी संक्रमण भएको छ । त्यसपछि भरतपुर महानगरपालिकामा १५८ जनामा संक्रमण भएको स्वास्थ्य कार्यालयले जनाएको छ । भदौ र असोज महिनामा डेंगी फैलने जोखिम झनै रहेकाले सचेत रहन कार्यालयले अपिल गरेको छ ।