काठमाडौं । मोबाइल वालेट सर्भिस प्रोभाइडर इसेवाको सिस्टममा समस्या देखिएको छ । सोमबार साँझबाट इसेवाको सिस्टममा समस्या देखिएको हो ।

इसेवा खोल्दा लग इन नहुने, लग इन भए पनि कारोबार नहुने लगायतका समस्या देखिएका छन् ।

सिस्टममा समस्या देखिएसँगै कारोबार ठप्प हुँदा सेवाग्राही भने समस्यामा परेका छन् । मोबाइल वालेटमा गरिएको कारोबार देखाएको छैन ।

एफ वान सफ्टले निर्माण गरेको इसेवामा समस्या आएपछि ह्याकिङ भएकोसमेत आशङ्का गरिएको छ ।

केही दिनअघि एफ वान सफ्टको बैङ्क खाता नै ह्याक भएको थियो । कम्पनीले सिटिजन्स बैंकमा राखेको रकम ह्याकरले झिकेर लगेको थियो । ह्याकरको समूहले एफ वान सफ्टको अन्य सिस्टममा पनि प्रवेश पाएको आशङ्का गरिएको छ ।

एफ वान सफ्ट प्रधानमन्त्रीका आइटी सल्लाहकार असगर अलीको कम्पनीको हो ।

अपडेट : इसेवाको सर्भिस साँझ ७ः४५ बाट सुचारु भएको छ ।