काठमाडौं । नेपाली कांग्रेसको पदाधिकारी बैठक  बिहान ९ बजे देउवा निवास बूढानीलकण्ठमा  बस्ने तय छ । सभापति शेरबहादुर देउवाले भिजिट भिसा प्रकरणबारे छलफल गर्न पदाधिकारी बैठक बोलाएका हुन् ।

बैठकमा क्रियाशील सदस्यता साथै नवीकरणको अवस्थाबारे महामन्त्री गगन थापाले जानकारी गराउने कार्यसूची छ । त्यस्तै बजेट एवं समसामयिक विषयमा पनि बैठकमा छलफल हुने बताइएको छ ।

अध्यागमन कार्यालयका प्रमुख सहसचिव तीर्थराज भट्टराई पक्राउपछि भिजिट भिसाको सेटिङमा गृहमन्त्रीको सचिवालयमा रहेकाहरूको नाम मुछिनुका साथै गृहमन्त्री रमेश लेखकले राजीनामा दिनुपर्ने पार्टीभित्रै र बाहिरबाट कुरा उठिरहेको बेला यो विषयमा गम्भीरताका साथ  छलफल हुने एक नेताले बताएका छन ।