काठमाडौं । नेकपा एसका अध्यक्ष माधवकुमार नेपालले पार्टीका सम्मानित नेता एवं पूर्वप्रधानमन्त्री झलनाथ खनाल लक्षित फेरि अर्को टिप्पणी गरेका छन् ।

राजधानीमा आयोजित पार्टीनिकट उद्योगी व्यवसायीको कार्यक्रममा नेपालले पार्टीको निर्णय पार्टीको पक्षमा पार्टीको प्रतिष्ठा बढाउन, पार्टीको हितको रक्षा गर्न, अनुशासनको पालना गर्नका लागि भएको प्रष्ट्याए ।‘

मिडियामा जाने, पार्टीको बदख्वाईँ गर्ने, मिडियामा जाने, विद्रोहको औचित्य छैन भन्ने । किन आउनुपर्यो विद्रोह नै ठीक लागेन भने । केपी ओलीजीको सेवा गरेर बसे भइहाल्यो नि,’– उनले भने

उनले आफूहरू एमालेबाट छुट्टिने आँट गरेर ठिक गरेको जिकिर गरे ।

नेपालले थपे, ‘ हामीले ठिक गर्‍यौं, आँट गर्‍यौं । र, पहिलो गाँसमा ढुंगो हैन, सुनको सिक्का पायौं । संविधान मिच्ने, उल्लंघन गर्ने गलत परम्परा बसाल्ने काम भइरहेको थियो । यसको विरुद्ध विद्रोह गर्‍यौं, खुलेआम सडकमा आयौं, अदालत पनि गयौं, मुद्दा पनि दियौं राजनीतिक लडाइँ पनि लड्यौं । सबै लडाइँमा जित्यौं ।’