काठमाडौं । विपक्षी दल राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा) ले आज पनि प्रतिनिधिसभा बैठक बहिष्कार गरेका छन् ।

बैठक सुरू हुनेवित्तिकै रास्वपा र राप्रपाका सांसदहरूले उठेर विरोध जनाएका थिए ।

सभामुख देवराज घिमिरेले रास्वपा सांसद शिशिर खनाललाई बोल्न समय दिए ।

उनले भिजिट भिसाका नाममा मानव तस्करीका विरुद्ध उच्चस्तरीय स्वतन्त्र छानविन समितिको माग गरे ।

राप्रपाकी सांसद बिना लामाले पनि भिजिट भिसा प्रकरणको छानविन गर्न सरकारले नचाहेको भन्दै भिजिट भिसा प्रकरणमा जबसम्म उच्चस्तरीय छानविन समिति गठन हुँदैन तबसम्म संसदमा आफ्नो विरोध जारी रहने बताइन् ।

दुवै दलका सांसद बोलेपछि दुवै पार्टीका सांसदहरू बैठक कक्षबाट बाहिरिएका छन् ।