शिक्षकले विद्यालय बन्द गरेर आन्दोलनमा गए काठमाडौँमहानगरले कारबाही गर्ने
काठमाडौँ– काठमाडौँ महानगरापलिकाले विद्यालयका शिक्षकहरूले विद्यालय बन्द गरेर आन्दोलनमा गएको पाएमा कारबाही गर्ने भएको छ ।
शिक्षकले आन्दोलनका नाममा स्कुल बन्द गरे उनीहरूलाई कारबाही गर्नलाई शिक्षा विभागलाई निर्देशन दिएको महानगरपालिकाका मेयर बालेनका प्रेस सहजकर्ता सुरेन्द्र बजागाइँले इकागजलाई बताए ।
‘आन्दोलनका नाममा स्कुल बन्द गर्न कहीँ पनि पाइँदैन,’ उनले भने, ‘महानगरमा लाखौँ विद्याथी पढ्छन् । उनीहरूको पढ्ने अधिकार बञ्चित गर्नु हुँदैन । विद्यालय बन्द गरेर गएको पाइए उनीहरूलाई सँधैका लागि विद्यायल बन्द गर्न विभागलाई निर्देशन दिइएको छ ।’ विद्यालय समयमा बाधा नपु¥याइ वा आफ्नो समयका पठनपाठन गराएर जाने शिक्षकलाई भने रोक नलगाइएको उनले बताए ।
सरकारले ल्याएको विद्यालय शिक्षा विधेयकमा रहेका विभिन्न प्रावधानमा असहमति जनाउँदै नेपाल शिक्षक महासंघले १८ वटा माग राखेर बुधबारबाट आन्दोलनको सुरुवात गरेको हो । उक्त आन्दोलन रोक्नका लागि शिक्षा, विज्ञान तथा प्रविधि मन्त्रालयले शिक्षक महासंघलाई सोमबार वार्ताका आह्वान गरेको थियो । तर महसंघले मन्त्रालयसँग वार्ता गर्न अस्विकार गरेको थियो ।
