Global Force Media

२०८१ जेष्ठ ८ - Tue May, 2024 -

सीट बाँडफाँटमा बाहिर आएजस्तो विवाद छैन : प्रचण्ड

नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले सत्ता गठबन्धनमा बाहिर आएजस्तो सीट बाँडफाँटमा विवाद नभएको बताएका छन् । पार्टी सम्पर्क समन्वय प्रदेशको बैठकलाई केन्द्रीय कार्यालय पेरिसडाँडामा सम्बोधन गर्दै प्रचण्डले सीट बाँडफाँटमा धेरै ठुलो विवाद नभएकाले यहीँ गठबन्धनलाई बलियो गरेर जाने प्रष्ट पारेका छन् ।

तपाईहरुले बाहिर जे सुन्नुभएको छ । सीट बाँडफाँटमा समस्या भयो । यस्तो भयो उस्तो भयो । त्यस्तो कुनै ठुलो विवाद छैन । यो गठबन्धन चुनावसम्म जान्छ’ बैठकका सहभागी एक नेताले भने, ‘सीट बाँडफाँटका विषयमा शीर्ष नेताहरु बसेर छलफल गरेमा समाधान हुन्छ । तपाईहरु दुविधामा नपर्नुहोला ।’

सत्ता गठबन्धनबाट बाहिर जाने विषयमा पार्टीले सोच्दै नसोचिएको प्रचण्डले प्रष्ट पारेका छन् । प्रदेश समन्वय समितिले प्रदेश र संघमा नाम सिफारिस गर्दा समानुपातिक समावेशीका आधारमा योग्य, सक्षम र चुनाव जित्न सक्ने नाम सिफारिस गर्न प्रचण्डले आग्रह गरेका छन् ।

विगतको स्थानीय चुनावमा सम्पर्क समन्वय समितिले महत्वूर्ण भूमिका खेलेको चर्चा गर्दै प्रचण्डले प्रदेश र संघमा समेत भूमिका खेल्ने विश्वास व्यक्त गरे । उनले पार्टी कमिटीलाई सक्रिय बनाउन नेता कार्यकर्तालाई आग्रह समेत गरेका छन् ।

Leave a Reply

Company Information

ग्लोबल फोर्स मिडिया प्रा. लि.(Global Force Media Pvt. Ltd.)
अध्यक्ष /संचालक: रमेश बसेल
सम्पादक: गोविन्द बहादुर बुढा
सुचना तथा प्रसारण विभाग दर्ता नं
3623-2079/2080
म्यानेजिङ डाईरेक्टर /संचालक: राजन मगर
कम्पनी दर्ता नं: 295102/079/080
प्यान नं: 610327171

Contact Information

Global Force Media Pvt. Ltd.
Pacha Dhara - 3, Nagarjun, Kathmandu

9851048327
info@globalforce.com.np
www.globalforce.com.np