Global Force Media

२०८१ असार २९ - Sat Jul, 2024 -

यूएईमाथि नेपालको जित

६ कात्तिक, काठमाडौं । काठमाडौंमा जारी त्रिकोणात्मक टी-२० शृङ्खलामा नेपालले चार खेल खेलेकोमा सतप्रतिशत जित निकालेको छ ।

हङकङ र यूएईसँग भएका दुई/दुईवटै खेल जितेर नेपाल फाइनल प्रवेश गरिसकेको छ । यी सबै खेल मुलपानी क्रिकेट रंगशालामा भएका हुन् ।

नेपालले यूएईसँगको दोस्रो खेल आज खेलेको हो । आजको खेलमा नेपाल यूएईमाथि ५ विकेटले विजय भयो ।

पहिलो क्रमका ब्याटर सस्तैमा गुमाए पनि नेपालले उत्कृष्ट पुनरागमन गर्‍यो र जित हात पार्‍यो ।

आशिफ शेख र कप्तान रोहित पौडेलले सम्हालेको पारीमा छैटौं नम्बरमा आएका दीपेन्द्रसिंह ऐरीले आक्रामक ब्याटिङ गर्दै जित पक्का गरे ।

यूएईले दिएको १६५ रनको लक्ष्य नेपालले पाँच विकेट गुमाएर १९.२ ओभरमा भेटाएको हो ।

नेपालका लागि आशिफ शेखले २ छक्का र ६ चौका मद्दतमा ६२ रन बनाए । कप्तान रोहित पौडेल ४७ रनमा आउट भए । दीपेन्द्रसिंह ऐरीले १५ बलमै ४० रन बनाए।

यूएईका मोहम्मद जवादुल्लाहले २, जहुर खान र अकिफ राजाले एक/एक विकेट लिए ।

यसअघि टस हारेर पहिले ब्याटिङ गरेको यूएईले ७ विकेट गुमाएर १६४ रन बनाएको थियो ।

नेपालका सोमपाल कामी र अविनाश बोहोराले २/२ विकेट लिए भने करण केसी र गुल्शन झाले एक/एक विकेट लिए ।

Leave a Reply

Company Information

ग्लोबल फोर्स मिडिया प्रा. लि.(Global Force Media Pvt. Ltd.)
अध्यक्ष /संचालक: रमेश बसेल
सम्पादक: गोविन्द बहादुर बुढा
सुचना तथा प्रसारण विभाग दर्ता नं
3623-2079/2080
म्यानेजिङ डाईरेक्टर /संचालक: राजन मगर
कम्पनी दर्ता नं: 295102/079/080
प्यान नं: 610327171

Contact Information

Global Force Media Pvt. Ltd.
Pacha Dhara - 3, Nagarjun, Kathmandu

9851048327
info@globalforce.com.np
globalforcenp@gmail.com
www.globalforce.com.np