काठमाडौँ– दलित, महिला, अपांगता, आर्थिक रूपले विपन्न र लैङ्गिक तथा यौनिक अल्पसंख्यकले निर्वाचनमा उम्मेदवार बन्दा धरौटीमा ५० प्रतिशत छुट पाउने भएका छन् ।

सोमबार बसेको निर्वाचन आयोगको बैठकले निर्वाचन सम्बन्धी कानुनलाई संशोधन गर्ने प्रस्तावमा यस्तो व्यवस्था गर्ने निर्णय गरेको हो । ‘दलित, महिला, तोकिएको अपांगता भएको व्यक्ति, आर्थिक रूपले विपन्न र लैङ्गिक तथा यौनिक अल्पसंख्यक समुदायको उम्मेदवार भए धरौटी रकममा पचास प्रतिशत छुट हुने,’ आयोगले सोमबार गरेको निर्णयमा भनिएको छ ।

आयोगले प्रस्ताव गरेको उक्त विधेयक गृहमन्त्रालय मार्फत संसदमा पेस गर्ने निर्णय समेत गरेको छ ।